Seneddwyr

Martyn Curzey (Seneddwr Cyffredinol)

Rwyf yn fy ail flwyddyn ar hyn o bryd yn astudio Cemeg gyda Gwyddor Biofoleciwlaidd ac oherwydd fy nghwrs rydw i’n rhan o’r Ysgol Cemeg a’r Ysgol Gwyddorau Biolegol ac mae gen i gyswllt ag amrywiaeth eang o fyfyrwyr a phroblemau. Rwyf hefyd yn drefnus, yn hawdd mynd ato ac yn teimlo’n angerddol am yr undeb.

Callam Levy (Seneddwr Cyffredinol)

Fel aelod balch o’r brifysgol hoffwn gyfrannu fy safbwyntiau ac amser tuag at gynnal a chryfhau enw da ac effeithlonrwydd yr Undeb a’r Brifysgol. Rwyf hefyd yn awyddus i drafod hyrwyddo gwasanaethau Neuadd Rathbone drwy’r brifysgol gyfan ynghyd ag ystyried cost amgylcheddol y safle.

Anya Barton (Seneddwr Cyffredinol)

Rwyf ar hyn o bryd yn fyfyriwr Cerddoriaeth yn fy ail flwyddyn ac yn ymwneud â nifer o wahanol gymdeithasau. Hoffwn sefyll am safle yn y Senedd am fy mod yn credu fy mod yn onest, yn ddibynadwy, yn hawdd siarad â hi a hoffwn wneud gwir wahaniaeth yn fy mlwyddyn olaf ym Mangor.

Nina Grant (Seneddwr Cyffredinol)

Rwyf wedi bod yn dilyn gwaith Undeb y Myfyrwyr dros yr ychydig flynyddoedd diwethaf ac wedi cymryd diddordeb cynyddol ynddo. Hoffwn fod yn rhan o’r Senedd er mwyn helpu i siapio penderfyniadau’r dyfodol ynghylch bywyd myfyrwyr ym Mangor, yn arbennig ymgyrchoedd ymwybyddiaeth a gwneud yn siŵr bod safbwyntiau myfyrwyr yn cael eu clywed.

Joe Lock (Seneddwr Myfyrwyr Aeddfed)

Rwy’n fyfyriwr aeddfed ac yn byw’n lleol gyda fy mhartner a dau o blant ifanc. Rwyf wedi bod yng nghanol ymgyrchoedd myfyrwyr ar y campws; fe wnes i drefnu trafnidiaeth am ddim i’r gorymdeithiau UCM yn Llundain yn ogystal â threfnu protestiadau lleol. Ar hyn o bryd rwy’n ymgyrchu dros gyflwyno Cyflog Byw.

Callum Jones (Seneddwr Cyffredinol)

Pleidleisiwch dros Callum Jones, am addewid o gyllido, cefnogaeth a gweithio mewn partneriaeth â phob plaid a’r holl gorff myfyrwyr. Gan fy mod wedi cymryd amser o’m cwrs gradd a gweithio fel rheolwr busnes, ac fy mod yn fyfyriwr astudiaethau busnes, rwy’n gwybod sut y gallwn wella’r undeb a gweithio er mantais ein helusen.

Nelson Ramos ( Seneddwr Ôl-radd Ymchwil)

Dros y flwyddyn ddiwethaf mae Undeb y Myfyrwyr wedi gwneud rhywfaint o waith i fynd i’r afael â materion yn ymwneud â myfyrwyr ôl-radd. O barhau â’r gwaith hwnnw, rwy’n credu y gallai fy mhrofiad fel myfyriwr ôl-radd ac fel Cadeirydd presennol y Fforwm Myfyrwyr Ôl-radd fod yn ddefnyddiol o ran parhau i adeiladu pontydd rhwng UM a’r gymuned ôl-radd.

Pranjal Singh (Seneddwr Myfyrwyr Rhyngwladol)

Mae pob unigolyn yn haeddu ystyriaeth a gwerthfawrogiad cyfartal. Er bod y brifysgol yn gwneud popeth i sicrhau hynny, mae yna ffin dal i fodoli rhwng myfyrwyr cartref a myfyrwyr rhyngwladol. Drwy ddal swydd y Seneddwr Rhyngwladol byddwn yn cyfeirio fy ymdrechion at oroesi’r ffin honno.

Ymddiriedolwyr

Simon Turner

Helo, Simon Turner ydw i, ac rwyf wedi bod yn drysorydd y Gymdeithas Ddaearyddiaeth dros y ddwy flynedd ddiwethaf, ac o ganlyniad i hynny rwy’n deall mor bwysig yw hi fod ein Hundeb Myfyrwyr (yn arbennig ei gyfeiriad strategol ac ariannol) yn rhedeg yn llyfn a’i fod mor effeithiol â phosib ar gyfer ein myfyrwyr, clybiau a chymdeithasau.

Craig Simmonds

Rwyf wedi sefydlu ac wedi bod yn rhedeg dwy gymdeithas, felly rwy’n deall mor bwysig yw hi fod grwpiau o fyfyrwyr yn derbyn cefnogaeth o ansawdd gan eu Hundeb. Fel ymddiriedolwr fe wnaf sicrhau bod cymdeithasau, clybiau a phrosiectau gwirfoddoli yn derbyn y cyllid hanfodol maent ei angen a bod prosesau  mewnol Undeb y Myfyrwyr yn rhedeg yn effeithlon.

Alexander Aldred

Rwyf wedi sefydlu ac wedi bod yn rhedeg dwy gymdeithas, felly rwy’n deall mor bwysig yw hi fod grwpiau o fyfyrwyr yn derbyn cefnogaeth o ansawdd gan eu Hundeb. Fel ymddiriedolwr fe wnaf sicrhau bod cymdeithasau, clybiau a phrosiectau gwirfoddoli yn derbyn y cyllid hanfodol maent ei angen a bod prosesau  mewnol Undeb y Myfyrwyr yn rhedeg yn effeithlon.

Callum Jones

Pleidleisiwch dros Callum Jones, am addewid o gyllido, cefnogaeth a gweithio mewn partneriaeth â phob plaid a’r holl gorff myfyrwyr. Gan fy mod wedi cymryd amser o’m cwrs gradd a gweithio fel rheolwr busnes, ac fy mod yn fyfyriwr astudiaethau busnes, rwy’n gwybod sut y gallwn wella’r undeb a gweithio er mantais ein helusen.

LJ Taylor

Mae’r amser rwyf wedi’i dreulio yn yr Undeb, yn gweithio gyda Seren a’r Senedd wedi bod yn bwysig iawn i mi. Fel ymddiriedolwr, hoffwn wneud yn siŵr bod pob myfyriwr yn gwybod pa mor hanfodol yw’r Undeb, a sicrhau mai’r myfyrwyr sydd wrth graidd popeth mae’r Undeb yn ei wneud.